бичлэгСүүлийн өдрүүдэд миний хувьд яасан ч их ажилтай байнаа. Блог ч унших чөлөө олдохгүй юм. За энэ ч яахав. Тэрнээс өөр шинэ жил гэдэг зүйл болох гээд хажуугаар нь догдлуулаад байхын. Энэ жилийн шинэ жил өмнөх жилүүдээс илүү л их хүлээлт үүсгээд байгаа ч юм шиг. Яагаад гэдгийг нь мэдэхгүй юм. Жил жилийн шинэ жил өөр өөрийн онцлогтой, өвөрмөц байдаг шүү дээ. Тэрнийх нь нэг юм байгаа биз.
Манай найз сургуулийнхаа шинэ жилдээ орно гээд эртнээс бэлдээд байгаа болохоор ч тэр юмуу? Мэдэхгүй миний эргэн тойронд байгаа бүх хүмүүс тэр чигээрээ шинэ жил тэмдэглэх уур амьсгал. Би ч яаж мөчөөгөө өгөхөв. Бас дутаад юу байхав гээл үзнэ дээ. Ход ход.
Эрчүүд бидний хувьд шинэ жил бол гайгүй ш дээ уул нь. Гайгүй шиг цамц, чамин зангиа, дэгжин хослол, өөртөө тохирсон ус үнэртүүлээд ороход бол хаана ч очсон газардахгүй дээ. За бага зэрэг хэтрүүлсэн юм. Зүгээр л цэвэрхэн хослолтой ороход л хангалттай.
Гэтэл эмэгтэйчүүдийн хувьд бол шинэ жил бол багахан хэмжээний асуудал шиг байгаа юм. За тэр бүхнийг нь дурдаад яахав. Хамгийн гол нь шинэ жил тэмдэглэх нь туйлын зорилго.
Ажилчин ангийнхан жилийн эцэс гээд тайлан балансаа нийлүүлэх гээд нилээн л шургуу ажиллаад, сурлагатан ангийн оюутнууд дүнгээ гайгүйхэн шиг гаргуулах гээд мэрийж байгаа нь лавтай. Он гарахаас өмнө бүх юмаа амжуулах гэж хичээж байгаа нь тэр биз.
Ажил, шалгалтын хажуугаар шинэ жилээ тэмдэглэнэ гэдэг бол хамгийн сайхан зүйл гэж бодож байна. Сарын эцэс, семистерийн хагас гээд олон шаналгаантай зүйлүүд байгаа ч шинэ жилийг сайхан угтах нь хамгийн их аз жаргалтай зүйл байх гэдэгт итгэж найдаж байна.
Ажил, хичээл бол болно. Харин шинэ жилээ сайхан угтах төлөвлөгөөгөө боловсруулаад хүн бүхэн аз жаргалтайгаар инээмсэглэн угтая.
Шинэ жилийн мэнд...
hyrdan boloooosoi 
