Төрболд

Шүлэг бүхэн жигүүрлэж чиний зүрхэнд шивнээсэй

Шүүдрийн мөнгөн дусал шиг тийм л ариухан байгаасай

Мөндрийн асгарах ширүүн ширхэг шиг

Мөнх тэнгэрээс бороо орох шиг

Мандаж гарсан нар шиг

Мартагдашгүй зүгээр л тийм ариухан байгаасай

Хуурын чавхдас шиг уянгалаг

Хуучрын хөг шиг намуухан

Хурмастын цагаан цас шиг

Хувирч өөрчлөгдөхгүй тийм ариухан байгаасай

Намуун үдшийн яаруухан дурсамж шиг

Ятгын солгой эгшиг шиг

Яаж ч хориглоод дийлдэшгүй сэтгэл шиг

Яг л тийм ариухан байгаасай